Monday, May 18, 2015

Fatal Red Flags In Your Relationship That You May Be Ignoring

Madaming nagtatanong sa akin kung paano ko nalaman na si Abbey na ang dapat kong pakasalan. Well, yan din ang tanong ko sa mga kapatid ko nuon nung bata pa ako. Paano nila nalaman na yun na ang dapat nilang pakasalan?
Kasi sabi nga nila ang pag-aasawa ay hindi parang kanin na kapag sinubo mo at nainitan ka eh pwede mong iluwa. Pag napasubo ka sa pag-aasawa eh kahit masunog pa ang buong bibig at lalamunan mo sa init eh hindi mo na pwedeng iluwa. Walang bawian. 

Imbes na isa-isahin ko ang good traits ni Abbey eh iisa-isahin ko ang "red flags" for you to check if it does exist in your relationship or sa mapapangasawa mo. In that you can check if you will really have a happy ever after or hell after the "I do".

1. Laging nag-aaway. Kung magbf/gf palang kayo eh para na kayong aso't-pusa eh paano pa kaya kung yung pagmumuka pa ng asawa mo ang una at huli mong makikita sa araw-araw? Sabi nga sa Bibliya "Lalong maigi ang tumahan sa ilang na lupain, kaysa makisama sa palatalo at magagaliting babae.". Anyway, sino ba ang gusto na may asawa na nagger at lalake na pasaway?

2. Show me yours and I will show you mine. Hmmm. Malaki-laking debate ito tungkol sa privacy or own space ng mag-asawa. 

Sa aking pananaw kung wala ka naman na lihim na alam mong ikagagalit ng bf/gf mo eh bakit mo kailangang magtago? Ngayong mga panahon na ito hindi na uso ang tignan mo ang tao sa mata para makita sila kung may tinatago sila sayo. Ang uso ngayon ay tignan mo ang messages sa cellphone at Facebook. Haha! 

Dapat ba alam ninyo ang password ng cellphone, email or social media sites ng isa't-isa? Sa aking pananaw oo. Wala nman mawawala sayo at magiging good shot ka pa sa partner mo dahil alam ninyo na wala kang tinatago. 

3. History "almost" always repeats itself. Kapag may history ng pagiging babaero/lalakero ang bf/gf mo eh malamang sa malamang eh magawa niya din yun sayo. 

4. Honesty is the best policy. Ang nagsasama ng tapat ay nagsasama ng maluwat. 

Kapag nagsabi sa'yo na wala siyang Friendster/Facebook tapos malaman mo na meron pala? Kapag malaman mo na 2 pala ang phone nya? Kapag nalaman mo na pag may lakad siya ang sabi niya barkada ang kasama niya yun pala lalake..isang lalake. Kapag nag-update siya na single/complicated relationship tapos kapag tinanong regarding dun ang sagot eh "wala lang" or "trip ko lang".

Ang ibig sabihin nun makati pa sa dilang makati yang kapareha mo. Haha. 

5. Eh kung ang bukang bibig niya lagi eh pangalan ng iba't-ibang lalake/babae? Big RED FLAG! 

"Sapagka't sa kasaganaan ng puso ay nagsasalita ang kaniyang bibig."
Biro mo kayo ang magkasama pero ang araw-araw na topic niya eh si ka-officemate nya. Ano yun? 

6. "Kami lang naman ang magsasama. Ano ang pakialam ng mga kamag-anak niya?" Hindi totoo yun mga kaibigan. Narinig niyo na ba ang Mother-in-law from hell or pakialamerang mga hipag at bayaw? Think-think-think. 

Or kapag makita mo na yung kapatid ng kasintahan mo eh nag-aaway-away at nagsisiraan eh matakot ka na. Isipin mong mabuti kung yan ba ang gusto mong pamilya na sasalihan. Buy one take all ang pag-aasawa. Wala kang itatapon ni isa sa kanila. 

7. Kaibigan o ka-ibigan. Kapag madalas niyang pinipili to spend time with friends rather than to be with you is a big BYE! 

Ngayon pa lang  mas gusto niyang kasama ang ibang tao kesa sa'yo paano pa kaya kayo kapag you were pronounced as one? Dito mo masasabi talaga na walang forever. Haha!

8. Aba! Kung minamaliit ka ng bf/gf mo... Aba! Aba! Aba! Talaga! Hindi mo kailangan ng isang tao na manlalait sayo ng habambuhay. Ang pag-aasawa ay pagtutulungan sa ikaka-asenso ninyong dalawa. 

9. Blame means "be lame." Kung ang ikukuwento ng partner mo ngayon ay wala ng ginawang tama ang mga ex nila eh mangamba ka. Malamang sa malamang eh hindi yan tumatanggap ng pagkakamali at ang feeling niyan eh siya ang bida na laging inaapi at ang lahat eh kontrabida na. 

10. Self-centered. Puro na lang siya. Puro na lang ang gusto niya ang masusunod. Hindi marunong magbigay para naman sa kapakanan mo. Ang relasyon ay give and take. Kapag "take it, take it" ang drama, iwan mo na. Kalaunan niyan magsusumbatan pa kayo. 

11. Paano kung inggitero/inggitera? Ok lang mainggit kung gagawa ka ng paraan paano mo yun makuha. Eh kung ang partner mo ngayon pader ang niyayakap imbes ikaw eh magising-gising ka. Hindi masama mangarap pero kapag inutusan ka ngayon pa lang na mag-sanla or mangutang ng patubuan para lang sa "wants" niya eh kabahan ka na.

12. Mismong gf/bf mo ang nagkakalat ng tsismis mo at ng pamilya mo? Nuff said! 

13. Ahmm teka! Kilala ka ba talaga nya? I mean totoong ikaw ba ang pinapakita mo? Kapag ikaw mismo ang nagiging chameleon to please your partner eh dapat sa zoo ka na tumira.. Haha! 

Maraming points na dapat ilagay sa list na ito. May idadagdag pa kayo? Comment below :) 

No comments:

Get this gadget at facebook popup like box